Os zoqueiros

Os zoqueiros facían o calzado, aínda que os mesmos campesiños eran zoqueiros e sabían traballar cos trebellos da carpintería. As ferramentas eran moi sinxelas: o machado para desbastar a madeira, a aixola para darlle forma de pé.

Cos trades facíanse os buratos e coas gubias e llergas labrábase o interior das pezas.

O zoco é o calzado de coiro co piso de madeira. A zoca é toda ela enteira de madeira, dunha soa peza, e ten o tacón axeitado para evitar que a auga ou a lama chegue ao pé.