CETMo
Camiño do Pouso, nº 2
36560 Soutelo de Montes
Concello de Forcarei
Pontevedra
Horarios
Sábados e domingos
mañás 11:00 a 13:30
tardes 17:00 a 20:00
Resto dos días: previa cita no 986 75 61 91
ou no 696 51 30 33
CONTA SOLIDARIA PRO-MEMORIA HISTÓRICA
25 Abril 2008, por cetmo.
En relación cos procesos xudiciais que afectan ós membros da asociación DIONISIO PEREIRA GONZALEZ e ALFREDO GONZALEZ RUIBAL, promovidos pola familia Gutiérrez Nieto en base a publicacións e manifestacións por eles efectuadas na sua labor de esclarecemento e difusión da Memoria Histórica da Terra de Montes, existe unha conta bancaria para recaudar fondos cos que axudar á defensa xurídica dos nosos compañeiros.
A devandita conta ten como finalidade facer pagos de asistencia xurídica, multas e indemnizacións que se deriven das causas abertas. Os pagos serán controlados polo presidente e o tesoureiro da Asociación.
Número de conta:
2080/0480/11/0040118605
Vos animamos a facer as vosas aportacións e a difundir a existencia da conta entre os vosos achegados.
Se ó final dos procesos xudiciais existise saldo nesa conta, aplicarase de forma sucesiva ós seguintes fins:
Primeiro.- Devolución ós aportantes que o soliciten no prazo que no seu momento se establezca, en proporción ó aportado por cada un en relación co total recadado.
Segundo.- Entrega a asociacións ou colectivos, que defendan causas semellantes as que levaron o banquiño ós nosos compañeiros.
Terceiro.- Entrega a unha entidade sen ánimo de lucro cuios fins sexan concordantes cos da asociación Verbo Xido.
Asemblea anual de Verbo Xido (2008)
25 Abril 2008, por cetmo.
(SESION CELEBRADA O 15 DE MARZO DE 2008)
Primeiro.- Aprobación da Acta da sesión anterior.
Segundo.- Aprobación das contas do exercicio 2.007, pechadas a 31 de decembro
Terceiro.- Aprobación da Xestión da Xunta Directiva durante o ano 2007.
Cuarto.- Aprobación das actividades e o presuposto para o ano 2008.
Presuposto.- Variable en función das subvencións, estimándose un gasto necesario de 2.000,00 € para atender os proxectos previstos.
Actividades:
Editorial e apoio á difusión cultural:
Editar de maneira inmediata un libro de relatos sobre Cerdedo escrito por Roberto Vázquez.
Apoio á edición dun ensaio (aínda en redacción) sobre “A historia das bandas de música de Cerdedo”, coordenado por Manuel Campos.
Edición e distribución do Boletín Verbo Xido, incluíndo un Especial con motivo de chegar ó número 20, que será presentado durante a celebración das Xornadas de Terra de Tod@s.
Colaboración con outras entidades.-
ROTEIRO.- En colaboración coa Comisión Sinhor Afranio, e en relación co roteiro que se prepara en lembranza do que él fixo dende Tomiño, O Ribeiro, Forcarei, ata a fronteira portuguesa. Trátase de determinar pontos de interese no tramo Augasantas-Forcarei, sinalizándoos, realizar dúas actividades no CETMo sobre os esmolantes e os cereiros e editar unha unidade didáctica sobre os cereiros.
Colaboración con ADEGA para facer un seguimento dos proxectos de explotación de biomasa nos montes veciñais en man común da bisbarra.
Colaboración co colectivo “A serpe bichoca” na súa reivindicación do Monte do Seixo.
Actos de periodicidade anual.-
Xornadas Terra de Tod@s, adicadas este ano á política cultural nos diversos Concellos da Terra de Montes. Ao seu abeiro, faremos unha festa convidando a todos/as os/as colaboradores/as do Boletín da Asociación.
Roteiro Sarmiento
Conta Solidaria.-
En relación cos procesos xudiciais que afectan ós membros da asociación DIONISIO PEREIRA GONZALEZ e ALFREDO GONZALEZ RUIBAL, promovidos pola familia Gutiérrez Nieto en base a publicacións e manifestacións por eles efectuadas, acordouse, por unanimidade, abrir unha conta bancaria para recaudar fondos cos que axudar a defensa xurídica dos nosos compañeiros. Dende dita conta poderánse facer pagos de asistencia xurídica, multas, indemnizacións e outros que se deriven das causas abertas, debendo ser todos os cargos asinados polo presidente e o tesoureiro da Asociación.
O número de conta é: 2080/0480/11/0040118605
Vos animamos a facer as vosas aportacións e a difundir a existencia da conta entre os vosos achegados.
Se ó final dos procesos xudiciais existise saldo nesa conta, aplicarase de forma sucesiva ós seguintes fins:
Primeiro.- Devolución ós aportantes que o soliciten no prazo que no seu momento se establezca, en proporción ó aportado por cada un en relación co total recadado.
Segundo.- Entrega a asociacións ou colectivos, que defendan causas semellantes as que levaron o banquiño ós nosos compañeiros.
Terceiro.- Entrega a unha entidade sen ánimo de lucro cuios fins sexan concordantes cos da asociación Verbo Xido.
Quinto.- Seguir sostendo os gastos do Centro Etnográfico da Terra de Montes (Soutelo) na cuantía actual (60,00 €/mes), tentando acadar algunha aportación da Consellería
de Cultura para o mantemento e promovendo actividades no Centro na medida do posible.
Remata a sesión en Cerdedo ás 22 horas do 15 de marzo de 2008.
Charla: Monte do Seixo (PATRIMONIO NO MEDIO, primavera-2008)
10 Abril 2008, por admin.
A Asociación Ecoloxista e Cultural “Verbo Xido” de Terra de Montes ten o pracer de convidalos á charla “Monte do Seixo. Patrimonio cultural da Montaña Máxica” que no Casino de Antas (concello da Lama) terá lugar o vindeiro sábado (día 19 de abril) ás 19:00 h. Falarán Calros Solla (”Verbo Xido” - “Serpe Bichoca”), Rafael Quintía e Joao Bieites (Grupo de Estudos Etnográficos “Serpe Bichoca”).
A actividade, enmarcada na serie “Patrimonio no medio”, complementarase o domingo (día 20) cunha camiñada polo monte do Seixo. O punto de encontro para o roteiro é a praza da igrexa de Cerdedo (10:00 h).
Promoven as Consellarías de Cultura e Medio Rural e a Organización Galega de Comunidades de Montes Veciñais en Man Común. Colaboran as asociacións Verbo Xido (Cerdedo-Terra de Montes) e Portalén (A Lama).
Moitas grazas.