Festa da Vincha

27 Xaneiro 2005, por admin.

O vindeiro 5 de Febreiro, sábado, a partir das 12 horas, vaise celebrar a Vª Edición da Festa da Vincha no adro da parroquial de Cerdedo, organizada pola Asociación de Mulleres “Espadela”.

Alí estará “Verbo Xido” colaborando cun stand onde expondremos un casal propio de Terra de Montes en miniatura. Asemade, temos a disposición de quen quixer as publicacións que editamos, xunto con tres novidades, que vos recomendamos:

* a guía didáctica do Centro Etnográfico de Terra de Montes (CETMO), recén publicada.

* o nº 9 do Boletín “Verbo Xido” que hai poucos días está na rúa.

* o folleto a toda cor sobre o roteiro Padre Sarmiento, feito por Carlos Solla, que estará listo para o día da Festa como unha contribución máis á mesma.

¡Vinde connosco á Festa da Vincha!. Disfrutaremos deste postre tradicional e pasaremos un bó rato con obradoiros de cestería e ferro, cerámica tradicional de Niñodaguia, servicio de bar, gaiteiros, xantar enxebre, venda de doces propios da temporada e da zona…

Novas 1 comentario